Սպորտի առավելությունները երեխաների համար Բարձրացնում է երեխայի ինքնավստահությունը Ամրացնում է ոսկրային համակարգը Կառուցում է ընկերական հարաբերություններ Բարելավում է հավասարակշռությունը Հեշտացնում է թիմային աշխատանքը Շատ ուրախություն է պարգևում Ապահովում է երեխաների ակտիվ կենսակերպը Խթանում է առողջ մրցակցությունը Զարգացնում է առաջնորդի հատկանիշներ Բարելավում է քունը Սովորեցնում է կարգապահություն Բարելավում է մոտորիկան Օգնում է պահպանել առողջ քաշ Զարգացնում է սոցիալական հմտությունները Երեխաներին հեռու է պահում գաջեթներից ու ժամանակի անիմաստ վատնումից
Լող Լողը աշխարհի ամենահայտնի մարզաձևերից է։ Այն օգտագործվում է որպես թերապիա, ուսուցանվում է փրկարարական նպատակներով և որպես օլիմպիական մարզաձև: Ջրային սպորտաձևերի շարքում են օլիմպիական լողը, ջրացատկը, սերֆինգը, սինքրոն լող, ստորջրյա դայվինգը և ջրագնդակը: Լողն ունի 4 հիմնական ոճ՝ բրաս, բատերֆլայ, թիակալող և կրոլ։ Լողով զբաղվել են մ.թ.ա. մոտ 2500 թվականից Եգիպտոսում, իսկ ավելի ուշ՝ Ասորեստանում, Հունաստանում և Հռոմում: Այն տղաների տարրական կրթության մի մասն էր՝ մարտարվեստի և տարրական գրագիտության կողքին: Որպես մրցակցային սպորտաձև՝ լողը ներառվել է 1896թ. առաջին ժամանակակից Օլիմպիական խաղերում: Կանանց լողի մրցումները ավելացվել են 1912 թվականին: Լողի դրական ազդեցությունը առողջության վրա. • բարձր է պահում սրտի ռիթմը • զարգացնում է տոկունություն • զարգացնում է մարմնի բոլոր մկանները • ավելացնում է ուժը • օգնում է պահպանել առողջ քաշ, սիրտ և թոքեր • բարելավում է ճկունությունը և հավասարակշռությունը
Կրավ Մագա Կրավ Մագան (կոնտակտային ձեռնամարտ) իսրայելական մարտարվեստ է։ Այն մշակվել է Իսրայելի պաշտպանության ուժերի համար և ներառում է այկիդոյի, ձյուդոյի, կարատեի, բռնցքամարտի և ըմբշամարտի տեխնիկայի տարրեր: Այն հայտնի է իրական կյանքի իրավիճակներում իր ծայրահեղ արդյունավետությամբ: Ինչպես մարտարվեստների մեծ մասը, Կրավ Մագան խրախուսում է մարզիկներին խուսափել ֆիզիկական առճակատումից: Եթե դա անհնար է կամ անապահով, ապա խրախուսվում է մենամարտը հնարավորինս արագ և ագրեսիվ ավարտին հասցնելը: Հնարքները ուղղված են մարմնի առավել խոցելի մասերին: Մարզիկները սովորում են պաշտպանվել ամենատարբեր հարձակումներից և հակազդել ամենաարագ և ամենաարդյունավետ ձևով: Այն սովորեցնում է միաժամանակ պաշտպանություն և հարձակում: Մարտարվեստի առավելությունները ներառում են. • մկանային զանգվածի մեծացում և ֆիզիկական ուժի ավելացում • մարմնի շարժունակության բարձրացում • ինքնապաշտպանական ռեֆլեքսների զարգացում • կենտրոնացման բարելավում • սրտանոթային առողջության պահպանում • ինքնավստահության զարգացում • ճիշտ արժեքների և բարոյականության ուսուցում